“Raqamli to‘lovlar va mobil bank xizmatlarida kiberxavfsizlik”

Raqamli texnologiyalar vazirligida “Raqamli to‘lovlar va mobil bank xizmatlarida kiberxavfsizlik: hozirgi holat va kelajak tahdidlari” mavzusida amaliy seminar bo‘lib o‘tdi.
Ushbu seminar O‘zbekiston Respublikasi Prezidentining 2024-yil 10-iyuldagi PF-100-sonli farmoni va 2025-yil 30-apreldagi PQ-153-sonli qarori ijrosini ta’minlash maqsadida O‘zbekiston Respublikasi Hisob palatasi tashabbusi va Raqamli texnologiyalar vazirligi hamkorligida tashkil etildi.

Tadbirda Moliya va iqtisodiyot vazirligi, O‘zbekiston Respublikasi Markaziy banki hamda davlat ulushi mavjud 9 ta bankning (jumladan, “O‘zmilliy bank”, “O‘zSanoatqurilishbank”, “Aloqabank”, “Mikrokreditbank”, “Agrobank”, “Asakabank” va “Biznesni rivojlantirish banki”) axborot va kiberxavfsizlik bo‘yicha mutaxassislari ishtirok etdi.

Seminarda O‘zbekiston Respublikasi Hisob palatasi, Raqamli texnologiyalar vazirligi, Ichki ishlar vazirligi, Markaziy bank va “Kiberxavfsizlik markazi” DUK ning mas’ul xodimlari o‘zlarining ma’ruzalari bilan qatnashdi.

Ma’ruzalarda kiberxavfsizlikni ta’minlashda milliy va xalqaro talablar, raqamli transformatsiya jarayonida axborot xavfsizligini ta’minlashning asosiy yo‘nalishlari, Banklarga xos APT (Advanced Persistent Threat) hujumlari va ulardan himoyalanish strategiyalari hamda raqamli to‘lovlar va mobil bank xizmatlarida kiberxavfsizlikni ta’minlash bo‘yicha yetarlicha ma’lumotlar berildi.

Tadbirda ishtirokchilar o‘zlarini qiziqtirgan savollarga javoblar olishdi va ma’ruzachilar tomonidan ma’lumotlar taqdim etildi deb xabar bermoqda Raqamli texnologiyalar vazirligi.